060 272222
Հուլիս 14, 2020

Telcell-ում աշխատում են հեռավար՝ մշտական հասանելիությամբ

 

Telcell-ի աշխատակիցների մեծ մասը վերջին ամիսներին թեեւ աշխատում է հեռավար, բայց դրանից ընկերության աշխատանքը չի տուժել։ Որպես հաստատում միջթիմային կատակն են մեջբերում՝ եթե գրասենյակում աշխատում էին 8 ժամ, տանից աշխատում են 18 ժամ, նպատակը մեկն է՝ պետք է մշտապես հաճախորդի կողքին լինել։


Այս օրերին ընկերությունում նոր մասնագետների են աշխատանքի ընդունել, իսկ տեխնիկական բաժնին վերազինել են հիգիենայի հատուկ, պաշտպանիչ պարագաներով։

Զրուցել ենք Telcell-ի հաճախորդների սպասարկման կենտրոնի, մանրածախ բիզնեսի զարգացման եւ մարդկային ռեսուրսների կառավարման բաժինների ղեկավարների հետ, պարզելու, թե կորոնավիրուսն իր հետ ինչ փոփոխություններ է բերել ընկերություն։

Առաջին հեռավարը զանգերի կենտրոնն էր

Telcell-
ի բաժիններից առաջինը հեռավար աշխատանքի է անցել զանգերի կենտրոնը։ Գրասենյակից տուն տեղափոխվող աշխատանքը կազմակերպվել է երկու օրում եւ մարտի 10-ից սկսած՝ կենտրոնի 28 աշխատակիցները զանգերին պատասխանում են տանից, 24 ժամ հասանելիությամբ։

«
Մենք շատ ճկուն արձագանքեցինք վիրուսին։ Հայաստանում դեռ մի քանի դեպք էր գրանցվել, երբ որոշվեց, որ անցնում ենք հեռավար աշխատանքի։ Աշխատակիցներին նախ տրամադրվեցին հատուկ սարքավորումներ, ներառյալ՝ ձայնամեկուսիչ ականջակալներ։ Անհրաժեշտ ծրագրերով վերազինվեցին անձնական համակարգիչները», - ասում է հաճախորդների սպասարկման կենտրոնի ղեկավար Նորա Տոնոյանը։

Նա պատմում է, որ կորոնավիրուսային գերլարված իրավիճակը՝ հատկապես մարտ եւ ապրիլ ամիսներին, ակնհայտորեն ազդել էր հաճախորդների վրա. հետաձգված, պարտադիր ու անհրաժեշտ վճարումները անսխալ կատարելու համար օգնություն հաճախ էր պահանջվում։ Արդյունքում սպասարկման կենտրոնի աշխատակիցները քաղաքացիների զանգերին ու դիմումներին պատասխանում էին գրեթե 24 ժամյա գրաֆիկով։

«
Մեր թիմն անում էր ամեն հնարավորը, որպեսզի որեւէ զանգ, հաղորդագրություն, նամակ եւ դիմում անպատասխան չմնա, նույնիսկ, եթե այդ դա անելու համար պետք էր լինում աշխատել աշխատանքային ժամերից դուրս»։

Այս ընթացքում փոխվեց նաեւ դիմումների ընդունման ձեւաչափը։ Նախկինում, օրինակ, որոշ դեպքերում, պարտադիր էր կենտրոնին մոտենալն ու ըստ ուղղորդված մասնաճյուղի՝ այնտեղ դիմում լրացնելը։ Հիմա դիմումներն ընդունվում են առցանց։
 

«Զանգերի կենտրոնի աշխատանքը կապված է անմիջական վերահսկողության հետ, եւ գրասենյակում բոլորն անընդհատ անմիջական կապի մեջ էին։ Հիմա այդ ամենը կազմակերպվում է հեռահար՝ չատերի միջոցով, սա է հիմնական դժվարություններից մեկը։

Տանից աշխատելու պարագայում գործն ավելի շատ է։ Գրասենյակային աշխատանքի դեպքում աշխատանքի գնում ես 9-ին, դուրս գալիս՝ 18.00-ին, իսկ երբ տանից ես աշխատում, հնարավորություններդ ավելի լայն են, անկախ քեզանից գործդ ավելի շատ է, աշխատանքային ժամանակդ շատ ու շատ ավելի երկար։ Բացի այդ էլ, այս իրավիճակում մենք փորձում ենք ավելին անել մեր համակարգից օգտվողների համար»։

Ըստ Նորայի, այս փոփոխությունից շահել են հաճախորդները, քանի որ բոլոր աշխատակիցները ցանկացած պահի հասանելի են։

Միանգամից մշակվել է ռազմավարությունը

«
Կորոնավիրուսն առաջին անգամ էր ու անսպասելի, նմանատիպ երեւույթների նախկինում երբեք չենք առնչվել, մոբիլիզացիա երբեւէ չէինք կատարել», - պատմում է Telcell-ի մանրածախ բիզնեսի զարգացման տնօրեն Արթուր Խաչատուրյանը:

Ամեն ինչ սկսվել է աշխատակազմին նախապատրաստելուց հիգիենայի պարագաներ տրամադրելուց բացի, պետք էր ամեն ինչ անել, որ ոչ աշխատակիցները տուժեին, ոչ էլ աշխատանքը։

«
Որոշեցինք, որ ամենաբարդ շրջանում ունենանք ռեզերվային խմբեր, քանի որ տեխնիկական եւ ինկասացիոն բաժինները օպերատիվ աշխատանք են իրականացնում եւ չեն կարող հեռավար աշխատել։ Սկզբնական շրջանում, եթե հիմնարկում մեկ վարակակիր էին հայտնաբերում, ամբողջ հիմնարկն էին փակում պարետի որոշմամբ, մենք այդ խնդրին չբախվեցինք, որովհետեւ միանգամից մեկուսացրեցինք մեր խոցելի խմբի աշխատակիցներին»։

Ըստ Արթուրի, նպատակը հետեւյալն էր՝ եթե հանկարծ որեւէ աշխատակից վարակվի, կարողանան պահպանել հիմնարկի կենսագործունեությունը։ Դեռ մարտի սկզբին են մշակել իրավիճակի զարգացման դեպքում անելիքների սցենարներն ու քննարկել ռազմավարությունը։

«
Հենց այդ պատճառով էլ մեր թիմի համար հեռավար աշխատանքային ռեժիմի անցումը անցնցում էր, եւ դեռ ավելին, կարողացանք նոր մարդիկ ընդունել աշխատանքի եւ մինչեւ այսօր չարձանագրել վիրուսակրի անգամ մեկ դեպք»։

Հինգ հաստիք բաց է

«
Այն աշխատակիցները, որոնց աշխատանքի բնույթը թույլ չի տալիս տանից հեռավար աշխատել, նրանց աշխատանքը փորձեցինք դարձնել ավելի անվտանգ», - պատմում է Telcell-ի մարդկային ռեսուրսների բաժնի ղեկավար Մարիետա Սաֆարյանը։

Ի սկզբանե ապահովվել է աշխատանքի տեխնիկական մասը, որպեսզի աշխատակիցներն անձնական համակարգիչներով կարողանան մուտք գործել գրասենյակի իրենց համակարգիչներ։ Թիմային ալիքներ ու չատեր են բացվել Տելեգրամում, ամենօրյա հանդիպումներն անցկացվում են Zoom հավելվածով։

Պատկերն այլ է ինկասատորների եւ տեխնիկական բաժնի աշխատակիցների դեպքում՝ նրանց հատուկ արտահագուստ է տրամադրվել, դիմակներ ու ձեռնոցներ, ալկոգելեր, որպեսզի կարողանան հնարավորինս անվտանգ կատարել աշխատանքը։


«
Գուցե շատերին զարմանալի թվա, բայց այս ընթացքում նոր մարդկանց ենք աշխատանքի ընդունել եւ շարունակում ենք ընդունել։ Մեր ֆորմատը թույլ է տալիս շարունակ աճել։

Նոր ծառայություններն ու գործառույթները ավելացրեցինք համաճարակի սկզբից։

Դրանք մարդկանց թույլ են տալիս իրենց վճարումներն անել տանից դուրս չգալով, կամ անհպում վճարման եղանակով՝ առեւտրի կենտրոններում։ Կարող ենք փաստել, որ կանխիկ վճարումներից այսօր շատերն են հրաժարվել, իսկ անհպում վճարում են նույնիսկ այն մարդիկ, որոնց համար նախկինում խորթ էր այս տեխնոլոգիան։

Որպեսզի ընթացիկ նախագծերն առաջ գնան, իսկ նոր նախագծերը հնարավորություն տան մեր հաճախորդներին ավելի պաշտպանված զգալ իրենց, սկսեցինք նաեւ նոր մասնագետների փնտրտուք՝ թիմը համալրելու նպատակով։ Մեր մարկետինգի ու վաճառքի թիմում կան շատ նոր մարդիկ։ Աշխատանքի ենք ընդունել ինչպես կրտսեր, այնպես էլ բարձր որակավորում ունեցող մասնագետների։

Այս պահին դեռ 5 հաստիք բաց է, շուտով 5-ն էլ կավելանա։ Մենք շարունակում ենք երիտասարդ տաղանդների ակտիվ փնտրտուքը», - ասում է Մարիետա Սաֆարյանը:

 

 

Բոլոր նորությունները
//